الكلام ده مجرد رأي متواضع ✋✋قابل للنقاش والتعديل والموضوع مختلف من مكان لمكان ومن صنف لصنف آخر ومن ظروف مزرعه غير التانيه ده مجرد رأى.🤘
هنتكلم عن العنب من التقليم حتى التزهير ونقسم المرحله دي الي جزئين :- 👉
من التقليم حتى التفتح👉👉
من التفتح حتى التزهير👉👉
أولا- من التقليم حتى التفتح:-👇
عشان أوصل لتفتح كويس ومتجانس ولون أخضر ومفيش حمى ربيع أو آثار ملوحة أو اصفرار هنعمل الخطوات دى:-
بعد التقليم وقبل رش الدورميكس بنروى كويس حوالي من 30 متر٣حتى 100 متر مكعب على حسب التربة ونوعها وصرف المياه فيها.
وبعدها بنمنع الرى تماما من بعد رش الدورميكس حتى من 15- 20 يوم من بعد الرش ونتأكد من عدم نزول مياه الارض خالص يعنى نشوف المحابس اللى بتسرب مياه في الأماكن المنخفضة نتأكد من محابسها عشان دى مشاكل بتقابلنا كل سنة ولازم نأخد بالنا منها ونتفاداها
ولما يعدى من 15 – 20 يوم على رش الدورميكس نروى من 15 – 20 متر مكعب للفدان على حسب طبيعة الأرض ونستخدم معاها
حديد مخلبى 6% 500جم للفدان👌
هيوميك أسيد 1 ك/ فدان👌
سلفات زنك 2 ك/ فدان👌
سلفات منجنيز 1 ك/ فدان👌
الحاجات دى هتنزلها فى السماده مع مياه الرى وبعدها تمنع نزول المياه نهائى حتى تمام التفتح للعيون يعنى على الاقل نسبة التفتح تكون85% .
ثانياً- من التفتح حتى التزهير:-👇
بعدها بنبدأ فى المرحلة التانية مدتها تقريبا 7 أسابيع خلال أول 4 أسابيع من هذه المرحلة عندى خطوط عريضة أعرفها وقسمها براحتك على حسب ظروفك وهى:-
ترش 4 رشات كبريت ميكروني على الأقل 👌
ترش من 3:2 رشات مخلوط عناصر صغرى👌
رشة طحالب بحرية أو اتنين على حسب الوضع واللون👌
رشة الإستطالة لازم تبدأ بيها عند 3:2 سم طول العنقود ودى نقطة ناس كتير بتختلف عليها فى مصر ولكن الكلام ده عن تجربة مجرد رأى مش اكتر👌
رشة أحماض أمينة مرة أو إتنين على حسب ظروفك الجويه👌
نيجى عند الكلام الكبير خالص🤚🤚 من بداية الأسبوع الخامس حتى التزهير بنعمل ايه:-
رش مرتين كالسيوم وده قبل التزهير بأسبوعين👌
رش مرتين ماغنسيوم👌
رش مرتين زنك👌
رش مرة بورون👌
كل الكلام ده قبل التزهير👆
طب الخلاصة بقى الحاجات اللى 👆فاتت دى بنعملها ليه وبإختصار شديد
الخلطة اللى بنزلها بين الدورميكس والتفتح:-👇
دى عشان يبقى عندك تجانس فى التفتح، ويبقى عندك لون النموات يكون لون اخضر ومفيش نقص عناصر ، وتبقى عديت من مرحلة أضرار الملوحة وحرق حروف الأوراق.
رشات الكبريت:-
بتسيطر على أى جراثيم فطريات سابقة، وتفيد النبات بعنصر الكبريت، وتسيطر تماما على أى إصابة اكاروسيه قديمة أو جديدة👌
العناصر الصغرى :-
رشها فى البداية يجعل النبات صحى جدا ومعندهوش أى نقص عناصر وده بيساعد النبات حتى وصوله لنشاط الجذور وبداية الإمتصاص.👌
الطحالب البحرية والاحماض الامينية:-
الطحالب بصراحة ليها كلام كتير ولكن بايجازجدا هى وجبة متكاملة للنبات خلال بداية عمره عشان كده بتعالج حمى الربيع وتوصلك للون نموات قوى جدا وده مطلوب فى المراحل الأولى جدا وطبعا الأحماض الأمنية تحسبا لأى اجهادات حرارة عالية أو منخفضة👌
الكالسيوم والمغنسوم:-
فى المرحلة دى خاصة المطلوب منهم بناء جدار الخلايا لحبات العنب من قبل التزهير وده بيوصلك بعد الخف لشكل حبة عنب قوى جدا ولون أخضر داكن مش فاتح وده مؤشر إنك هيبقى عندك موسم عنب ممتاز👌
الزنك:-
أساس فى انقسامات الخلايا وطبعا مهم جدا فى نسبة خصوبة عملية التلقيح والاخصاب👌
البورون:-
مهم جدا فى إطالة فترة نشاط وحيوية حبوب اللقاح وده عشان بيعمل لزوجة للمياسم بشكل كبير ، نقدر نقول عنه بيأهل الشجرة لعملية التلقيح والاخصاب والتكاثر وإتمامها بنجاح👌
طبعا ده مع كامل 🤚التقدير والاحترام لباقى العناصر الغذائيه
انتظروا المزيد من الحلقات بالمرات القادمه ✊✊
للمزيد عن برامج سترااجروكميكالز زوروا موقعنا